Ambasadori i Hungarisë viziton FHK-në

Hendboll 07 Qershor 2018 15:31

Ambasadori i Hungarisë në Kosovë, Laszlo Markusz të enjten ka qëndruar për vizitë në Federatën e Hendbollit të Kosovës. Ambasadori Markusz është pritur në një takim të ngrohtë nga presidenti i Federatës së Hendbollit të Kosovës, Eugen Saraçini.

Vizita e Ambasadorit Markusz kishte për qëllim thellimin e bashkëpunimit me FHK-në që edhe deri më tani ishte në nivel të lartë. Në takim u diskutua sidomos për kërkesën e hungarezëve për FHK-në për t’iu ndihmuar në Kongresin e Federatës Evropiane të Hendbollit që mbahet në Glasgou të Skocisë këtë muaj. Hungaria dhe Sllovakia kanë shprehur interesim për të organizuar Kampionatin Evropian të vitit 2024 dhe për të fituar organizimin e këtij Evropiani, hungarezët presin përkrahje edhe nga Kosova.

Në takim është biseduar edhe për çështjen e vizave për sportistët kosovarë. Si deri më tani, Hungaria ka premtuar përkrahje për FHK-në dhe hendbollistët kosovarë.