Rashica tregon arsyen e humbjes nga Bashkimi

Superliga 12 Maj 2018 20:28

Sigal Prishtina është mposhtur para shikuesve të saj, që në fakt ishin në numër mjaft të vogël, nga Bashkimi me rezultat 81:84. Në këtë mënyrë kryeqytetasit e kanë bërë një hap prapa drejt synimit për ta mbrojtur titullin e kampionit. Trajneri, Andin Rashica, është shprehur i zhgënjyer me qasjen e basketbollistëve të tij.

“Nuk luajtëm mirë në mbrojtje, ndërsa në pjesën e parë mungoi edhe dëshira për fitore. Lojtarët tanë duhet ta dinë se gabime të tilla nuk lejohen në ndeshjet finale. Në pjesën e dytë luajtëm mirë, por prapë patëm probleme në sulm”, ka thënë Rashica për SuperSport. Ai është shprehur i vetëdijshëm se në vazhdim do të jetë shumë vështirë për skuadrën e tij. “Do të jetë shumë vështirë, por ne nuk dorëzohemi asnjëherë”, ka shtuar trajneri prishtinas.