Anulohen garat e Gjermanisë, Holandës dhe Finlandës në MotoGP

Moto GP 29 Prill 2020 15:00

Drejtuesit e MotoGP lajmëruan këtë të mërkurë anulimin e tri garave të tjera të vitit 2020.

Bëhet fjalë për Çmimet e Mëdha të Gjermanisë, Holandës dhe Finlandës, që ishin parashikuar për t’u zhvilluar respektivisht më 21 qershor, 28 qershor dhe 12 korrik.

Për momentin, e vetmja datë që ende qëndron në kalendar për fillimin e Botërorit është 9 gushti, në Brno.

Vendimi ishte i pritshëm, duke pasur parasysh që javët e fundit drejtori i përgjithshëm i Dorna, Carmelo Ezpeleta, kishte bërë të ditur që hipoteza më optimiste ishte nisja midis fundit të korrikut dhe fillimit të gushtit.

Gara në Republikën Çeke është e identifikuar si faza e parë e një kampionati botëror të reduktuar.

-->