Arianit Ahmeti reagon pas komunikatës nga FFK: Agim Ademi po e dezinformon opinionin

Kombëtarja 09 Dhjetor 2019 17:39

Ish-zëvendëssekretari i përgjithshëm i Federatës së Futbollit të Kosovës, Arianit Ahmeti ka demantuar letrën e UEFA-s rreth mandatit katër vjeçar të kryetarit aktual të FFK-së, Agim Ademi.

Federata e Futbollit e Kosovës, përmes një komunikate e ka publikuar procesverbalin dhe procesin e zgjedhjes së Agim Ademit, në krye të FFK-së.

FFK-ja, shkruan se në këtë procesverbal konfirmohet mandati katërvjeçar i Agim Ademit.

Por, ish-zëvendës kryetari i FFK-së, Arianit Ahmeti, nuk mendon kështu. Ai thotë se Agim Ademi e ka trashëguar mandatin e Fadil Vokrrit.

Ai ka thënë se kryetari Ademi po e dezinformon opinion kinse UEFA-ja e ka konfirmuar mandatin katërvjeçar.

Ahmeti tutje ka thënë se shkresa në të cilën i referohet Ademi është e një zyrtari jo kompetent për këtë çështje.

Ky është reagimi i Arianit Ahmetit:

Kreu i FFK-se sërish perpiqet të dezinformojë opinionin se UEFA-ja ka konfirmuar se ka mandat 4-vjeçar.

Shkresa se ciles i referohet FFK-së ne komunikaten e publikuar ne faqen e saj nuk eshte nga Presidenti Ceferin por nga Zevendes-Drejtori i Zyres per Zhvillimin e Federatave ne UEFA. Pra, e nje zyrtari jokompetent per leshimin e opinioneve ligjore.

Ashtu sic edhe shihet nga permbajtja, kjo leter eshte e shkruar ne formen e nje deshmie per nje ngjarje ne te cilen ky zyrtar ka qene prezent. Por, kjo leter nuk thote asgje per ligjshmerine e kohezgjatjes se mandatit kinse 4-vjecar.

Per mandatin e z.Agim Ademi vendosin ligjet ne fuqi te Kosoves, Statuti i FFK-së, ne perputhje me Statutin e UEFA-së. Athua cili do te jete hapi i radhes i z.Agim Ademi, te ndryshoje edhe ligjet e Kosoves?

Ky eshte veç edhe nje skandal i radhes ne listen e skandaleve te z.Agim Ademit.

Opinioni duhet ta kete te qarte:

Z.Agim Ademi, sipas Statutit te FFK-se, ka mandat vetem deri me 15 janar 2019. Ai ka trasheguar mandatin e mbetur te Presidentit Vokrri.

Iniciativa per zgjedhje e delegateve te Kuvendit ka per qellim sjelljen e normalitetit juridik ne FFK.

Perpjekjet per te hutuar dhe frikesuar opinionin se kinse Kosova mund te perjashtohet nga UEFA nuk qendrojne. Eshte perpjekja e z.Agim Ademi per te mbajtur ne menyre te paligjshme mandatin dhe nderhyrja politike ne mbeshtetje te tij ajo e cila po e destabilizon situaten.

-->