Bashkëlojtari i Granit Xhakës ishte pranë ‘vdekjes’

Futboll 25 Mars 2019 11:32

Reprezentuesi zviceran, Fabian Schar, frikësoi të gjithë kur për disa momente humbi ndjenjat gjatë ndeshjes kualifikuese ndaj Gjeorgjisë, pas përplasjes kokë me kokë me Jemar Tabidzen.

Mbrojtës i Newcastle, gjatë një dueli për top me Tabidzen përplasi keq kokën në minutën e 23-të dhe për disa minuta ishte pa ndjenja.

Pas përplasjes kokë me kokë me kundërshtarin, Schar ra në tokë pandjenja dhe i kishte ikur gjuha. Por, reagimi i shpejtë i futbollistit gjeorgjian Jano Ananidze ishte fantastik, i cili ia ktheu gjuhën në vend duke ia shpëtuar jetën kështu.

 

Megjithatë, Schar e tejkaloi këtë ‘sfidë’ dhe u rikthye në fushë për të ndihmuar kombëtaren e tij.

Ai pas ndeshjes deklaroi se nuk i kujtohet asgjë nga momenti i përplasjes.

Zvicra fitoi ndeshjen me rezultat 2:0. /Insporti.com/

-->