Befason McGregori, mban konferencë shtypi në “shtëpinë” e Khabibit

Sporte luftarake 22 Tetor 2019 13:00

Conor McGregor, ish-kampion i dyfishtë i botës në artet marciale mikse, ka planifikuar të zhvillojë një konferencë për shtyp në Moskë ditën e enjte.

Lajmin e konfirmon “The MacLife”, që shprehet se irlandezi do të takohet me gazetarët më 24 tetor, por nuk jep detaje.

McGregor nuk ka dueluar kurrë në Rusi dhe nuk ka bërë plane konkrete për një sfidë aty edhe pse e ka sfiduar kampionin e botës Khabib Nurmagomedov që të duelojnë në kryeqytetin rus.

Mediat amerikane thonë se ndoshta irlandezi do të deklarojë nga Moska rikthimin e tij në kafaz.

Sidoqoftë, ka gjasa që irlandezi të bëjë vetë promovimin e whiskey të tij “Proper Twelve” në këtë shtet, pak kohë pasi ka nisur shitjen e tij në Rusi.

Një konferencë shtypi ende me shumë enigma, që do të zbardhen pas 48 orësh.

-->