Berisha titullar në fitoren e Fortunës – vlerësohet me notën 6.3

Kombëtarja 27 Maj 2020 23:02

Valon Berisha ka kaluar problemet me lëndime që pati në xhiron e kaluar. Berisha ishte nga minuta e parë në fitoren e Forutna Dusseldorf 2 me 1 kundër Schalke 04, shkruan Insporti.com.

Berisha ishte nga minuta e parë duke i zhvilluar 81 minuta. Reprezentuesi i Kosovës gjatë këtyre minutave ishte energjetik, me diagonalet e tij duke udhëhequr mesfushën e Dusseldorfit.

Ylli i Kosovës nga Whoscored.com u vlerësua me notën 6.3.

Mesfushori kreativ ende nuk ka arritur të shënojë gol në Bundesligë, edhe pse në ndeshjen e parë pas rikthimit të ligës, goditi dy shtylla.

Berisha është i huazuar nga Lazio dhe do të qëndrojë me klubin gjerman deri në përfundim të sezonit.

Duesseldorf rrezikon rënien nga Bundesliga pasi renditet në vendin e 16 me 27 pikë. /Insporti.com/

-->