Çekia – Kosova, kjo është situata rreth biletave

Futboll 08 Nëntor 2019 18:32

Kosova me 14 nëntor e zhvillon ndeshjen historike, ku në Plzen do të ndeshet me Republikën e Çekisë në kuadër të eliminatoreve për Kampionatin Evropian 2020.

Federata e Futbollit të Çekisë ka njoftuar se ende janë në treg biletat për ndeshje, çka nënkupton se nuk janë shitur të gjitha pavarësisht që edhe për Çekinë kjo ndeshje është vendimtare sa i përket kualifikimit.

Gjithsesi, kjo ndeshje po cilësohet si ndeshje me rrezikshmëri të lartë derisa autoritetet çeke kanë vendosur se biletë mund të blejnë vetëm qytetarët që posedojnë pasaportë të Republikës së Çekisë dhe kjo ndoshta është arsyeja që ende nuk janë shitur të gjitha biletat.

Për dallim nga Çekia në Kosovë është duke u bërë shumë luftë për të siguruar një biletë për këtë ndeshje.

Përballja ndërmjet Çekisë dhe Kosovës zhvillohet të enjten nga ora 20:45.