Conte ankohet për problemet e Covid-19, para ndeshjes me Liverpoolin

Futboll 19 Dhjetor 2021 11:31

Tottenham dhe Liverpool do të përballen sonte me fillim nga ora 17:30 në ndeshjen derbi të kësaj jave në Premierligë.

Liverpooli kërkon të vazhdojë me formë të lartë, kurse Tottenham me fitore eventuale do të hynte në garë fuqishëm për top-4she.

Kujtojmë, se “Spurs” i ka anuluar tri ndeshje për shkak të rasteve me Covid-19.

Trajneri i Tottenham, Antonio Conte u ankua për problemet me Covid-19 para përballjes së sotme.

“Sinqerisht, në këtë moment nuk është e lehtë. Ne kemi tre ndeshje që duhet t’i luajmë, nuk e dimë kur dhe nuk e dimë nëse në të ardhmen do të shtyhen ndeshjet e tjera. Me problemin e Covid-it, është shumë e vështirë për ne të mendojmë se çfarë do të ndodhë. Kemi punuar shumë mirë për dy javë dhe më pas filluan problemet me Covid. Tani, ne luajtëm ndeshjen e fundit dy javë më parë. Kishim tre ditë në terren të mbyllur dhe nuk patëm një seancë stërvitore”, deklaroi Conte.

-->