Dëmtimi i Vojvodës, Torino tregon gjendjen e yllit të Kosovës

Kombëtarja 13 Janar 2021 10:30

Mërgim Vojvoda ka pësuar një lëndim në krahun e tij të majtë në ndeshjen e Kupës së Italisë kundër Milanit.

Torino ka lëshuar një komunikatë për media ku e ka konfirmuar lëndimin e futbollistit të Kosovës.

“Lojtari do të jetë subjekt i vlerësimeve të mëtutjeshme në ditët në vazhdim”, thuhet në komunikatën e Torinos.

Dyshohet se ish-ylli Standard Liege e ka nxjerrë krahun nga vendi pas atij rrëzimi të keq dhe nuk dihet se sa gjatë mund të mungojë.

Vojvoda ka bërë një paraqitje shumë të mirë në ato minuta që kishte në dispozicion.

-->