Dida zgjedh portierin më të mirë në botë: Isha i bindur se do të bëhej i madh

Futboll 12 Shkurt 2019 17:33

Nelson Dida, ish-portieri i Milan-it, ka zbuluar për “ECHO” se Alisson Becker i Liverpool-it është portieri më i mirë në botë, sipas mendimit të tij.

“Kam patur mundësinë të shikoj cilësitë e tij që nga fillimi. Shihej qartë potenciali i madh që në fëmijëri. I lexonte shumë mirë skemat sulmuese të kundërshtarëve. Isha i bindur se do të bëhej një futbollist i madh”, ka thënë Dida.

“Nuk i kam dhënë asnjë këshillë të veçantë. I kam thënë vetëm që të jetë gjithmonë i përqendruar dhe i përfshirë në lojë edhe kur topi është larg. Kjo ndihmon shokët e ekipit që të jenë më të qetë dhe të kenë më shumë besim”.

Sipas Dida-s, puna e madhe e Alisson shikohet edhe te pjesa tjetër e repartit mbrojtës: “Liverpool ka pësuar vetëm 15 gola në Premier League dhe ka mbrojtjen më të mirë. Kjo ka ndodhur falë punës së ekipit, por besoj se prania e Alisson i jep më shumë besim mbrojtësve dhe  pjesës tjetër të skuadrës. Mendoj se është një nga më të fortët e Europës”. /Telesport.al