Ederson rrëfen një moment të vështirë

Futboll 11 Janar 2019 19:20

Ederson Santana de Moraes, ose i njohur shkurt si Ederson është portieri i Manchester Cityt në Premier Ligë. Ai po bën paraqitje mjaft të mira me fanellën e kaltër dhe është kthyer në një ndër lojtaret më të mirë që Pep Guardiola ka në dispozicion.

Portieri brazilian ka rrëfyer kohën kur ai ishte në moshën 15-vjeç, ku ka thënë se kishte rënë në një depresion të thellë për një muaj. Më pas ka folur për rivalët e tij që ai ka në kampionatin anglez, por që janë bashkëkombas.

“Isha vetëm 15 vjeç dhe kalova një periudhë shumë të vështirë. Kam qenë një muaj i zhytur në depresion dhe nisa të pija duhan në vend të futbollit. Fatmirësisht, ishin prindërit e mi që më mbështetën dhe inkurajuan për të luajtur përsëri”, ka thënë Ederson.

Për sa i përket lojtarëve të tij te Kombëtarja që luajnë në Permierligë: “Shkojmë mjaft mirë, edhe pse nuk mund ta shohim njëri-tjetrin shumë shpesh. Unë jam mik i madh me Roberto Firminhon dhe të gjithë lojtarët brazilianë, që jetojnë në këtë zonë të Anglisë. Sa herë kemi kohë të lirë, përpiqemi të dalim. Por, është e vështirë ndonjëherë për shkak të orarit të ndeshjeve që ne kemi”, ka përfunduar Ederson.