Europa League, sot zgjidhen të gjitha enigmat

Futboll 12 Dhjetor 2019 14:10

Sot do të mbyllet faza e grupeve në Europa League ku do të kompletohet kuadri i 24 skuadrave të kualifikuara.

Në këtë pikë ka ende shumë enigma për t’u zgjidhur pasi ka skuadra që nuk e kanë siguruar kualifikimin për në fazën me eliminim direkt.

Lazio është një prej tyre. Skuadra romake ndodhet në vendin e tretë në Grupin E dhe kualifikohet nëse fiton me Rennes dhe nëse Cluj do të humbasë ndaj Celtic që është tashmë i kualifikuar për më tej.

Në Grupin C, Baseli i Edon Zhegrovës është kualifikuar edhe pse diferenca me Getafen e Krasnodarit është vetëm 1 pikë, kjo sepse skuadra zvicerane ka bilanc më të mirë në ndeshjet direkte me këto dy skuadra.

Baseli do të luajë kundër Trabzonsporit të Donis Avdijajt, që ka vetëm një pikë dhe ndodhet në vend të fundit.

Në grupin F Arsenali do të luajë me Standar Liegen e Mërgim Vojvodës, ndërsa Frankfurti do të përballet me Vitoria Guimaraes.

Topcinjtë e Londrës që në pankinë kanë Freddie Ljungberg kualifikohen me një fitore ose barazim, ose edhe me një humbje, por në këtë rast duhet të shpresojë në një humbje edhe të Eintrachtit.

Në Grupin G, Glasgoë Rangers i mjafton edhe një barazim ndaj Young Boys për të kaluar në raundin tjetër ndërkohë që Portos i duhet të fitojë ndaj Feynoordit. Portugezët mund të kualifikohen edhe me një barazim, por duhet të shpresojë që të mos fitojë as Young Boys. Në grupin J, Roma do të luajë ndaj Ëolfsberger dhe kualifikohet me një fitore ose barazim.

Por verdhekuqtë mund të kalojnë edhe me një humbje, por në këtë rast duhet që Basaksehir të mos e fitojë sfidën me Monchengladbach. Në Grupin L, Manchester United dhe Alkmaar luajnë mes tyre, një sfidë që vlen vetëm për vendin e parë pasi të dyja këto skuadra janë kualifikuar për në 1/16 e finaleve të Europa League.

-->