Federer debuton me humbje në Gjenevë, eliminohet që në start

Tenis 19 Maj 2021 09:28

Aventura e Roger Federer në turneun e Gjenevës ka qenë jo ajo që tenisti zviceran dëshironte. Ai u mund 2-1 (6-4, 4-6, 6-4) që në ndeshjen e parë nga spanjolli Pablo Andujar, duke u eliminuar që në raundin e dytë.

Një start zhgënjyes ky i Federer në turneun e fushave me dhè, sipërfaqe ku luante ndeshjen e parë pas më shumë se dy vitesh. Andujar fitoi me meritë, duke përtuar edhe nga gabimet e shumta të Federer, që nuk dha atë që pritej.

Në setin e tretë, zvicerani udhëhiqte 4-2, por krejt papritur loja e tij u shua, duke gabuar shumë. Këtë sezon, Federer ka luajtur vetëm në Dubai dhe Gjenevë, ndërkohë që ka konfirmuar pjesëmarrjen në Roland Garros.

-->