Feronikeli bën të ditur çmimin e biletave për ndeshjen kundër Prishtinës

Futboll 16 Maj 2019 10:11

Klubi i Feronikelit ka njoftuar për çmimet e biletave, për ndeshjen “finale” kundër Prishtinës.

Skuadra nga Drenasi e pret Prishtinën në ndeshjen vendimtare për titull, të dielën më 19 maj, me fillim prej orës 16:00 në stadiumin “Rexhep Rexhepi”, përcjell Insporti

Interesimi do të jetë jashtëzakonisht i madh për këtë takim, pasi do të përcaktohet titulli i kampionit në IPKO Superligë për sezonin 2018/19.

Në një njoftim, Feronikeli ka konfirmuar se bileta është 5 euro, derisa aty thuhet se fëmijët nën moshën 15 vjeçare nuk do të lejohen në stadium.

Këto janë disa informatat rreth biletave, për këtë ndeshje:

Biletat do të shiten në Restaurant Dijamant, në Drenas, çdo ditë, prej orës 10:00 – 15:00 (për harxhimin e sasisë së biletave do të njoftoheni me kohë).

Fëmijët nën moshën 15 vjeçare, nuk do të lejohen të futen në stadium edhe nëse posedojnë biletë (për shkak të interesimit të madh për këtë ndeshje dhe vendeve të limituara).

Askush nuk do të lejohet të futet në stadium pa biletë, pa dallim.

Dyert e stadiumit do të mbyllen një orë para ndeshjes (në ora 15:00) prandaj lusim të gjithë që të vijnë me kohë.

Asnjë veturë nuk do të lejohet të parkohet në oborrin e stadiumit.

Çmimi për një biletë është 5 EURO.

Një person mund ti blejë maksimumi deri në 2 (dy) bileta.

Për shkak të interesimit të madh për këtë ndeshje dhe vendit të limituar (shkaku i punimeve në pjesët tjera të tribunave), ju lusim të gjithëve për mirëkuptim!