Flet nëna e Distria Krasniqit pas suksesit të madh të së bijës në Lojërat Olimpike

Tokio2020 24 Korrik 2021 17:04

Xhudistja kosovare Distria Krasniqi është fituese e Medaljes së Artë në Lojërat Olimpike “Tokyo 2020” ku në finale e mposhti me “Wazzari” xhudisten japoneze Funa Tonaki.

Lidhur me emocionet dhe përjetimet që i sollën luftërat e Distrias foli për Klan Kosova nëna e xhudistes, Remzije Krasniqi.

Ajo tha se kanë përjetuar emocion të veçantë duke mbetur edhe pa gjumë.

“Emocion i veçantë. Kemi mbetur pa gjumë, por ia ka vlejtur. Shumë ka qenë e stresuar. Nuk ke pasur mundësi të flasësh me të dhe ta përkrahësh. E kemi përcjellë. Ne e kemi ditur se si është ndjerë posa ka ardhur nga stërvitjet. Ka qenë stres së pari përgatitjet, pastaj me kë do të luftojë me kë do t’i bie shorti”.

Nëna e fitueses olimpike tregoi se vajza e saj i kishte thirrur prindërit në telefon para se ta merrte Medaljen e Artë.

“Para se me marrë medaljen na ka thirr më telefon me video. Ka pyetur se si jemi ne, e ka kërkuar babin e saj dhe kur e ka parë është qetësuar”

-->