‘France Football’ e zbulon klubin më të madh në botë

Futboll 12 Shkurt 2019 09:16

Real Madridi është emëruar klubi më i madh i futbollit në botë nga revista franceze e futbollit, France Football.

Në edicionin e muajit shkurt, kjo revistë e publikoi listën me 30 klubet më të mëdha të botës dhe dy klube spanjolle, Real Madridi dhe Barcelona, e gjejnë veten në krye të kësaj liste.

Ekipi i kësaj reviste e përpunoi këtë listë në bazë të analizës së lojtarëve, audiencës televizive, ndjekësve në rrjetet sociale, mesatares së tifozëve të pranishëm në stadiume, përfitimet, shpenzimet, vlerën e tregut e skuadrës dhe rëndësinë historike të klubit.

Për kriterin e fundit, rëndësia historike e klubit, edhe vet revista franceze e pranoi se është vlerësuar në mënyrë më subjektive.

85 klube u vlerësuan në bazë të këtyre kritereve dhe lista finale përbëhej nga 30 klubet më të mëdha të botës.

Real Madridi e mposhti Barcelonën në garën për vendin e parë, ndërsa pas tyre, në vendin e tretë, renditet Manchester Unitedi.

Pesë klube të Premierligës paraqiten në Top 10, ndërsa vetëm dy nga Spanja, një nga Gjermania, dhe një nga Italia.

Paris Saint-Germaini është klubi francez me vlerësimin më të lartë dhe renditet në pozitën e shtatë.

Top 10 klubet më të mëdha në botë, sipas France Football: