Gara për “Këpucën e Artë”: Baftiu shtatë ndeshje, nëntë gola

Futboll 04 Nëntor 2019 10:05

Blend Baftiu është duke kaluar momentet e tij më të mira në karrierë me skuadrën e Ballkanit. Baftiu është golashënuesi më i mirë i Superligës me nëntë gola pas 13 xhiro të zhvillkuara, shkruan Insporti.com.

Baftiu ishte përsëri në listën e golashënuesve në fitoren e Ballkanit kundër Feronikelit me rezultat 0:2.

Mesfushori 21 vjeçar ka shënuar nëntë gola në shtatë ndeshje sa i ka zhvilluar këtë kampionat në Superligë.

 

‘Fantazisti’ nga Prishtina këtë kampionat është në top formë dhe po e udhëheq Ballkanin në betejën për titullin e kampionit.

Pas Baftiut, golashënuesi më i mirë është sulmuesi i Trepçës ’89, Arb Manaj i cili ka shënuar shtatë gola.

Në këtë xhiro golin e gjeti edhe sulmuesi kroat i Gjilanit, Tomislav Busiç. Busiç me golin e shënuar kundër Ferizajt, renditet i treti në listën e golashënuesve me gjashtë gola, aq sa ka edhe bashkëlojtari i tij, Gerhard Progni që renditet i katërti.

Me het-trickun e realizuar kundër Ferizajt, top pesëshen e golashënuesve e kompleton Fiton Hajdari. Hajdari renditet në pozitën e pestë me pesë gola.

Ndryshe, gjiganti i futbollit të Kosovës, Prishtina nuk ka futbollistë të saj në top dhjetëshen e golashënuesve edhe pas xhiros së 13-të. /Insporti.com/

Blend Baftiu (Ballkani) 9

Arb Manaj (Trepça ’89) 7

Tomislav Busiç (Gjilani) 6

Gerhard Progni (Gjilani) 6

Fiton Hajdari (Gjilani) 5

Van Dave Harmon (Drenica) 5

Betim Haxhimusa (Drita) 5

Mendurim Hoti (Feronikeli) 5

Kastriot Rexha (Feronikeli) 5

Matheus De Paula (Vushtrria) 4

-->