Gjesti i Alex Ferguson në derbin City – United (Foto)

Futboll 09 Prill 2018 08:40

Trajneri legjendar i Manchester United, Sir Alex Ferguson, rrallëherë mungon në ndeshjet e “Djajve të Kuq”, e aq më pak kur bëhet fjalë për një derbi.

Në ndeshjen e së shtunës, skocezi u pa në tribunat e stadiumit “Etihad”, bashkë me ish-drejtorin ekzekutiv tek Manchester United, David Gill.

Në momentin kur United pësoi edhe golin e dytë në pjesën e parë, kamerat kapën reagimin e Alex Ferguson, i cili shfaqej mjaft i nervozuar dhe i pakënaqur me humbjen prej 2-0.

Megjithatë, përveç pakënaqësisë së tij, u dallua edhe diçka tjetër. Karrigia në të cilën ishtë i ulur Ferguson, e kishte të mbuluar logon e Manchester City, derisa ajo e David Gill që ishte pranë tij, nuk ishte e mbuluar. Shumë mendojnë se kjo është bërë me qëllim dhe në fakt ky gjest jo që u pëlqye nga tifozët e United, por kishin shpërthyer rrjetet sociale me komente të ndryshme duke e përgëzuar edhe njëherë Alex Ferguson, për respektin që ende ka dhe si një legjendë që ende është, në mesin e tifozëve të “Djajve të Kuq”.

Në anën tjetër, në pjesën e dytë, lojtarët e Man.United, i kthyen përsëri buzëqeshjen Fergiet, duke e përmbysur rezultatin dhe e fituan ndeshjen, duke ia shtyrë festën e titullin skuadrës së “Cityzens”. /Insporti.com

 

-->