Gjyqtarët nga Shqipëria do të ndajnë drejtësin e ndeshjes Prishtina – Connah’s Quay

Futboll 16 Korrik 2021 18:18

Prishtina të martën do të “zbarkoj” në stadiumin ‘’Fadil Vokrri’’ në kryeqytet për një tjetër ndeshje ndërkombëtare.

Pasi u eliminua nga Liga e Kampionëve, ku u mposhtën nga Ferencvaroisi, bardhekaltrit do të provojnë fatin e tyre në Conference Ligë, aty ku do të kenë përballë kampionët e Uellsit, Connah’s Quay.

Ndeshja e parë zhvillohet këtë të martë nga ora 18:00, derisa UEFA, tashmë ka caktuar edhe gjyqtarët e ndeshjes.

Drejtësia i është besuar gjyqtarëve nga Shqipëria – me kryesorin Eldorjan Hamiti, derisa do të asistojnë Nertil Bregasi dhe Orgest Grabova.

-->