Golden Eagle Ylli mposht Rahovecin, kualifikohet në finalen e madhe

Superliga 04 Maj 2021 22:19

Golden Eagle Ylli ka siguruar plasmanin në finalen e play- offt të Superligës së Kosovës në basketboll.

Në ndeshjen e pestë të serisë gjysmëfinale të zhvilluar të mërkurën në palestrën “Mizahir Isma”, Ylli ka triumfuar si mysafir ndaj skuadrës së Rahovecit me shifrat 85:72.

Me këtë fitore, Ylli është kualifikuar në finale me rezultatin e përgjithshëm 3:2 ndaj Rahovecit në serinë gjysmëfinale.

Elyjah Clark e Erjon Kastrati ishin më të dalluarit te skuadra e Yllit në këtë fitore të rëndësishme.

Clark ndeshjen e mbylli me 28 pikë derisa Kastrati shtoi edhe 24 sosh.

Me lojë të mirë te Ylli, u veçuan edhe Demetris Morant e Valon Bunjaku që realizuan nga 12 pikë.

Në anën tjetër, te Rahoveci u veçuan Darrell Davis me 29 pikë të shënuara, i përcjellë nga Ed Daniel (21) e Alban Veseli (13) që ishin të vetmit me pikë dyshifrore.

Për Yllin, kjo është hera e parë që kualifikohet në finale.

-->