Hansi Flick flet për rikthimin e mundshëm te Bayern Munich

Futboll 08 Maj 2021 22:52

Bayerni siguroi titullin e nëntë rresht në Bundesliga në fitoren ndaj Borussia Monchengladbach në kuadër të xhiros së 32-të dhe pas kësaj, Hansi Flick ka bërë një deklaratë interesante.

Flick javë më parë deklaroi se dëshiron largimin dhe Bayerni nënshkroi marrëveshje me Julian Nagelsmann.

Por, pas triumfit në Bundesligë, gazetarët e kanë pyetur atë nëse ekziston mundësia e rikthimit të tij në “Allianz Arena”, ndërsa ai pati një përgjigje interesante.

“Paraqitja e skuadrës sot ishte e denjë, ashtu siç i ka hije një skuadre që ka fituar titullin, dallimin kaq të madh e kemi merituar”, tha ai.

“Fatkeqësisht na kanë munguar lojtarë të rëndësishëm në Ligën e Kampionëve, por megjithatë jemi të kënaqur me triumfin në Bundesliga”, tha Flick.

“Përgëzoj të gjithë për arritjen dhe punën, puna e kësaj skuadre ishte e madhe gjatë tërë sezonit, jam ambientuar mirë këtu”, shtoi ai.

“A do të rikthehem të ardhmen? Nuk do ta përjashtoja, ky është klubi im”, përfundoi Hans Dieter Flick.

-->