Interpretime të ndryshme – Nuza sqaron rregullat e reja të FIFA-s

Ndryshimet  në rregullat e FIFA-s kanë shkaktuar pa qartësi të shumta në opinion e futbollit tonë, shkruan Insporti.com.

Sezoni i ri në Superligë tashmë ka filluar dhe qysh në dy javët e para është parë një cilësi mjaft e mirë.

Megjithatë, rregullat e reja janë duke u keqinterpretuar në opinion.

Në mbledhjen e 133-të në Bordit Ndërkombëtar në Aberdin të Skocisë, janë miratuar rregullat që do të ndikojnë në zhvillimin e ndeshjeve. Rivënia e topit në lojë, ndërrimet, muret, penalltitë, goditja me dy prekje, prekjet ndaj gjyqtarit por dhe prekjet me dorë.

 

Insporti ka kontaktuar  gjyqtarin më të mirë të futbollit tonë, Genc Nuza i cili posedon edhe stemën e FIFA-s.

 

Nuza për Insportin ka thënë se pa qartësi më e madhe tek opinioni është te prekja me  dorë. Ai ka thënë se jo çdo prekje me dorë është penallti.

“Diskutimi më i madh është i bërë, aq sa kam parë, te prekja e topit me dorë. Ka shumë  interpretime të ndryshme te këto raste. Duhet të dimë që rregullat kanë ndryshuar: futbolli nuk pranon më gola me dorë dhe as krijimin e shanseve qysh ka ndodhur në të kaluarën, që do të thotë që çdo prekje me dorë në fazën e sulmit është kundërvajtje”, ka thënë Nuza për Insporti.com.

 

Nuza, tutje ka shtuar se te akordimi i penalltive janë disa kritere që duhen sqaruar.

“Ndërsa, te akordimi i penalltisë janë sqaruar disa kritere që duhet plotësuar për t’u akorduar një penallti, siç janë  (pozita natyrale e dorës dhe jo natyrale), për të akorduar një penallti ose jo. Kur një lojtar e bën trupin e tij më të madh se sa  është me zgjatjen e dorës, kur kemi të bëjmë me një top të pa pritur dhe këto janë disa prej kritereve për të akorduar ose jo dhe duhet te dimë se jo çdo prekje e topit me dorë nuk është penallti”, ka përfunduar Nuza. /Insporti.com/