“Jam i rraskapitur”, drejtori sportiv i klubit gjerman largohet nga klubi i zemrës

Futboll 28 Janar 2022 17:40

Max Eberl ka vendosur të largohet nga M’Gladbach. 48-vjeçari mban postin e drejtorit sportiv të klubit të famshëm gjerman prej vitit 2008, dhe gjatë këtyre viteve ka kryer operacione të rëndësishme në merkato.

“Jam i rraskapitur, kam vendosur t’i jap fund aventurës sime këtu pas 23 vitesh. Dua të fokusohem te vetja për një herë në jetë, ky vendim nuk ka lidhje me transferimin në ndonjë klub tjetër.

Dua të shoh botën, dua të jem përsëri Max Eberl, për momentin nuk dua të merrem fare me futboll”, deklaroi Eberl në një konferencë për shtypin. Eberl kishte kontratë deri në verën e vitit 2026, por stresi dhe lodhja ndikuan që të largohet më parë.

Eberl ka luajtur si futbollist me M’Gladbach gjatë viteve 1999-2005. Në vitin që vari këpucët në gozhdë, ai filloi të punojë në klub si koordinator i sektorit të të rinjve, për t’u bërë drejtor sportiv tre vite më vonë, detyra nga e cila hoqi dorë sot.

-->