Kaq tifozë do të jenë të pranishëm sot në finalen e Kupës Carabao

Manchester City do të përballet kundër Tottenham Hotspur sot në kuadër të finales e Kupës Carabao, shkruan Insporti.

Skuadra e drejtuar nga Pep Guardiola është kampione në fuqi e kësaj gare, teksa sot e kërkon trofeun e pare të këtij sezoni për të barazuar rekordin me Liverpoolin.

Dhe, pas një kohe të gjatë, skuadrat angleze sot do të kenë edhe përkrahjen nga tifozët.

8 mijë persona do të jenë të pranishëm sot në këtë ndeshje finale.

Takimi do të zhvillohet në stadiumin “Wembley” me fillim prej orës 17:30. /Insporti.com/