Kosova sot i mëson kundërshtarët në parakualifikime për FIBA Kupën e Botës

Kombëtarja 29 Tetor 2019 09:26

Shorti për Raundin e Parë të parakualifikimeve për FIBA Kupën e Botës 2023 do të mbahet sot në Shtëpinë e Basketbollit (selinë qendrore të FIBA Botës) në Mies të Zvicrës me fillim nga ora 13:00.

Tetë Përfaqësuese janë regjistruar për të marrë pjesë në parakualifikimet për FIBA Kupën e Botës 2023 e ato janë:

Kosova, Shqipëria, Bjellorusia, Qipro, Islanda, Luksemburgu, Portugalia dhe Sllovakia.

Shorti në do të jetë “live streamed” dhe do të mund ta ndiqni në rrjetet sociale të FIBA-s dhe të Federatës së Basketbollit të Kosovës.

Seed 1: Islanda dhe Bjellorusia;

Seed 2: Portugalia dhe Sllovakia;

Seed 3: Kosova dhe Qipro;

Seed 4: Luksemburgu dhe Shqipëria.

Garat në parakualifikimet për FIBA Kupën e Botës 2023 do të fillojnë në shkurt të vitit 2020 dhe do të përfundojnë në shkurt 2021.

-->