Kryesuesit e FBK-së do të takohen me sekretarin e përgjithshëm të FIBA-s, kjo është arsyeja

Kombëtarja 29 Tetor 2019 13:57

Kryetari i Federatës së Basketbollit të Kosovës (FBK), Arben Fetahu dhe Sekretarja e Përgjithshme, Elvira Dushku më 27 Nëntor do të udhëtojnë për në Gjenevë.

Arsyeja e udhëtimit të krerëve më të lartë të FBK-së është ftesa e bërë nga Sekretari i Përgjitshëm i FIBA, Andreas Zagklis për një takim pune në “Shtëpinë e Basketbollit”.

Numri një i FBK-së, Arben Fetahu ka thënë se ky takim vjen si rezultat i bashkëpunimit shumë të mirë që e ka FBK-ja me FIBA Evropën dhe FIBA Botën.

“Sekretari i Përgjithshëm i FIBA-s, Andreas Zagklis është emëruar në këtë pozitë para rreth një viti dhe ne kemi pasur rastin të takohemi me z. Zagklis në disa evente të FIBA-s, dhe ai na ka përgëzuar për gjithë punën që po e bëjmë në zhvillimin e basketbollit në vendin tonë.

Megjithatë, tani do të zhvillojmë një takim pune, ku i kemi përgatitur disa tema konkrekte për të cilat do të bisedojmë me z. Zagklis”.

Duhet theksuar se në gusht të këtij viti në Prishtinë në vizitë një ditore pati qëndruar Presidenti i FIBA Evropës, Turgay Demirel, i cili kishte ardhur për ti dhënë përkrahje FBK-së dhe për ta përgëzuar në organizimin e FIBA U20 Kampionatit Evropian, Divizionit B – Femrat që është mbajtur në kryeqytet prej 3 deri më 11 Gusht.

Kujtojmë se në qershor të këtij viti Bordi i FIBA Evropës i ka emëruar anëtarët e Komisioneve të FIBA Evropës.

Në këtë mënyrë për herë të parë në Komisione të FIBA Evropës kanë zënë vend edhe përfaqësuesit e FBK-së.

Bëhet fjalë për kryetarin e FBK-së, Arben Fetahu, i cili është emëruar anëtar i Komisionit Ligjor (FIBA Europe Legal Commission) dhe për Sekretaren e Përgjithshme të FBK-së, Elvira Dushku, e cila është emëruar në Komisionin e të Rinjve (FIBA Europe Youth Commission).

Anëtarët e Komisioneve të FIBA Evropës kanë mandat katërvjeçar, pra prej 2019 deri më 2023.

Kombëtarja

Hidhet shorti për grumposhat e reja në basketboll, këta janë kundërshtarët e Kosovës
Kombëtarja 10 Dhjetor 2019

Kombëtarja

E çuditshme, por e vërtetë – ja çfarë ndodhi në Federatën e Basketbollit të Shqipërisë dhe atë të Kosovës
Kombëtarja 27 Nëntor 2019

Kombëtarja

Publikohet orari i ndeshjeve të Kosovës në rundin parakualifikues për Kupën e Botës
Kombëtarja 07 Nëntor 2019

Kombëtarja

Arben Fetahu flet për parakualifikimet e Botërorit dhe trajnerin e ri të Kosovës
Kombëtarja 30 Tetor 2019

Kombëtarja

Zyrtare: Ky është grupi i Kosovës në parakualifikime për FIBA World Cup
Kombëtarja 29 Tetor 2019

Kombëtarja

Kosova sot i mëson kundërshtarët në parakualifikime për FIBA Kupën e Botës
Kombëtarja 29 Tetor 2019

Të Popullarizuara

Insporti
-->