Kur është shorti për gjysmëfinalet e Ligës së Kampionëve, dhe kur do të luhen ndeshjet?

Futboll 11 Prill 2018 12:11

Liverpooli dhe Roma janë dy gjysmëfinalistët e parë të këtij edicioni të Ligës së Kampionëve.

Roma eliminoi Barcelonën, ndërkaq Liverpooli triumfoi në dy ndeshjet ndaj Cityt, për të siguruar një vend në gjysmëfinale.

Sonte do të përcaktohen edhe gjysmëfinalistët e dytë, ku Bayerni e pret Sevillan në ndeshjen e kthimit, ndërkaq Reali e Juventusi takohen në “Santiago Bernabeu”.

Por, kur do të jetë shorti për gjysmëfinalet?

Shorti do të hidhet në mesditën e të premtes, me datë 13 prill, derisa do të transmetohet drejtpërdrejt edhe në faqen zyrtare të UEFA-s.

Kur luhen ndeshjet gjysmëfinale?

Takimet e para gjysmëfinale do të luhen më 24 dhe 25 prill, ndërkaq më 1 dhe 2 maj do të zhvillohen gjysmëfinalet e kthimit. /Insporti.com

-->