Kur ushqimi të shijon më shumë se super goli i Salah

Futboll 14 Prill 2019 21:44

Mohamed Salah shënoi gol spektakolar sot, në fitoren e Liverpoolit në ‘Anfield’, përballë Chelseat.

Egjiptiani e dyfishoi epërsinë e ekipit të Jurgen Klopp, për ta gjunjëzuar Chelsean e Maurizio Sarrit.

Goli ishte aq i bukur, sa që dy ish-lojtarët e Premierligës, tani analistë – Ian Wright e Steve McManaman, mbetën gojëhapur nga ‘magjia’ e egjiptianit, gjatë transmetimit live të ndeshjes.

Sidoqoftë, ish-portieri i Premierligës, Shay Given, duket se më shumë e ka vlerësuar darkën e tij, se sa atë se çfarë Salah kishte bërë në fushë.

Madje, kamerat e kanë kapur atë ‘të zënë’ me pjatën e tij, në disa momente duke mos pasur as kohë që ta shikonte golin.

Video, të cilën mund ta shikoni më poshtë, shumë shpejt është shndërruar virale në rrjetet sociale. /Insporti.com/