Ky është reagim i Përparim Hasanit pas sulmit ndaj gjyqtarit Meriton Berisha

Sulmi i bërë ndaj gjyqtarit anësor Meriton Berisha pas ndeshjes Gjilani – Llapi, ka ngjallur reagime të shumta, shkruan Insporti.com.

Insporti raportoi se Policia ka arrestuar dy persona që kanë sulmuar gjyqtarin Berisha.

Pas këtij incidenti, ka reaguar edhe Kryetar i Komisionit të Gjyqtarëve, Përparim Hasani.

Ky është reagimi i tij i plotë në Facebook:

Komisioni i gjyqtareve me shqetësim te thellë ka ndjekur sot sulmin që i është bërë gjyqtarit Meriton Berisha gjatë kryerjes së detyrës së tij.

Konsiderojmë, se linçimi dhe gjuha ofenduese e ditëve të fundit ka krijuar një atmosferë të atillë e cila ka sjellë edhe dhunën që ndodhi sot.

Komisioni i gjyqtarëve, konsideron se aktet e tilla janë të papranushme dhe dënon ashpër sulmin që ka ndodhur sot ndaj Meritonit dhe gjuhën ofenduese e cila është drejtuar në drejtim të gjyqtarëve kohëve të fundit. Prandaj, kërkojmë nga organet e shtetit që akterët e këtij sulmi qyqar të vihen para drejtësisë.

Njëherit, komisioni ofron mbështetje të pakusht ndaj Meritonit dhe gjyqtarëve të futbollit dhe i inkuroajon që edhe më tej që të bëjnë detyrën e tyre me nder, ashtu siç e kanë bërë deri më tani.

 

Me respekt,

Perparim Hasani

Kryetar i Komisionit të Gjyqtarëve