Largim i papritur te KB Bashkimi

Basketboll 04 Janar 2021 18:39

Qendra amerikane Shaq Carter më nuk është pjesë e skuadrës së Bashkimit që bën gara në Superligën e Kosovës në basketboll.

Klubi nga Prizreni bëri të ditur të hënën lajmin në “Facebook” për shkëputjen e kontratës me Carterin.

“Qendra amerikane Shaq Carter ka shkëputur kontratën me Bashkimin pas marrëveshjes së dyanshme me drejtuesit e klubit. Falënderojmë basketbollistin për kontributin e tij të deritashëm dhe i urojmë suksese në karrierën e mëtejme”, ka shkruar Bashkimi.

Carter (206 cm) iu bashkua Bashkimit para fillimit të këtij edicioni dhe në 11 ndeshje të luajtura në Superligën e Kosovës ka regjistruar një mesatare prej 13.8 pikëve e 10.8 kërcimeve për ndeshje.

-->