LeBron James “flirton” me dyshifrorë të trefishtë pas rikthimit
Los Angeles Lakers ka siguruar një fitore të rëndësishme, duke mposhtur Los Angeles Clippers në vazhdime, 123-120.
LeBron James kontriboi me 24 pikë dhe 14 kërcime pas mungesës në 17 ndeshje radhazi, derisa Lakers siguroi një fitore të ngushtë kundër rivalit lokal, të enjten mbrëma.
Jamesit i mungoi vetëm edhe një asistim për të kompletuar dyshifrorin e trefishtë.
Kjo ishte ndeshja e parë e tij që nga Krishtlindjet, derisa Lakers kishte një ecuri prej vetëm gjashtë fitoreve dhe 11 humbjeve gjatë kësaj periudhe.
BIG TIME BINGO.@tobias31 ties it up! pic.twitter.com/zRqytde8k9
— LA Clippers (@LAClippers) February 1, 2019
Brandon Ingram ishte një tjetër basketbollist që tregoi paraqitje të mirë për skuadrën e Luke Walton, duke kontribuar me 19 pikë.
Te Clippers, rezervisti Lance Stephenson ishte ndër më të dalluarit me 20 pikë të shënuara, përfshirë pesë tre-pikësha.
Më poshtë, rezultatet tjera nga ndeshjet që u luajtën mbrëmë:
Dallas Mavericks 89-93 Detroit Pistons
Indiana Pacers 100-107 Orlando Magic
Milwakee Bucks 105-92 Toronto Raptors
Brooklyn Nets 114-117 San Antonio Spurs
Philadelphia 76ers 113-104 Golden State Warriors
