Mankenda për takimin e Kupës ndaj Besës: Prishtina e vlerëson maksimalisht ndeshjen

Futboll 30 Nëntor 2021 21:39

FC Prishtina të mërkurën me fillim në ora 12:30 do të përballet me Besën e Pejës në kuadër të rrethit të dytë të Kupës së Kosovës në futboll.

Sulmuesi i Prishtinës, Geuthier Mankenda ka folur para ndeshjes duke theksuar se ai me bashkëlojtarë do ta kërkojnë kualifikimin në fazën tjetër.

‘Prishtina në këtë ndeshje pret fitore dhe gjatë gjithë takimit do ta kërkojë kualifikimin tutje. Sikurse për çdo takim tjetër edhe për këtë ndeshje jemi përgatitur maksimalisht. Ata janë kundërshtar sikur kundërshtarët tjerë në kampionat dhe ata do të luajnë të motivuar. Besa ka një skuadër të mire’, tha Mankenda për faqen zyrtare të klubit të FC Prishtinës.

Në rrethin e dytë të Kupës marrin pjesë 32 skuadra, derisa ekipet fituese kalojnë në rrethin e tretë të garave.

Kujtojmë se në fazën 1/16 së finales në Kupën e Kosovës luhet vetëm një ndeshje.

-->