Mbyllet kryendeshja e sotme, Drita triumfon ndaj Prishtinës

Sot në kuadër të xhiros së 26’të të Superligës së Kosovës, u zhvillua derbi mes Dritës dhe Prishtinës, shkruan Insporti.

Drita arriti të triumfojë me rezultat 2:0, me golat e Marko Simonovskit dhe Princ Balde.

“Intelektualët” kaluan në epërsi në minutën e 48-të me golin që e shënoi Marko Simonovski.

Ndërsa, golin e dytë ndaj Prishtinës e realizoi Princ Balde, i cili realizoi me kokë në minutën e 81-të falë intervenimit jo të mirë të Gledi Micit.

Pas kësaj fitore, gjilanasit e shohin veten në pozitën e tretë me 46 pikë, ndërsa kryeqytetasit në vendin e gjashtë me 32 pikë.

Në ndeshjen e ardhshme, Drita udhëton te Ulpiana, ndërsa Prishtina e pret Llapin. 

/Insporti.com