Mesazhi i Haxhi Krasniqit pas fitores ndaj Grafkas

Boksieri shqiptar, Haxhi Krasniqi, ka fituar të shtunën mbrëma ndaj polakut Bartlomiej Grafka, duke iu hapur rruga që të luftojë edhe një herë për titullin e Kampionit të Botës.

Sot ai përmes një postimi në Facebook, ka falënderuar përkrahësit e tij.

“Ja ku jam sërish! Fitorja e bindshme e ditës së djeshme ishte për mua dhe tifozët e mi shumë e rëndësishme, prandaj po kthehem i lumtur në shtëpi”.

“Më shumë se 5 muaj punë i kam pas vetës tani dhe kjo nuk do ishte e mundur pa ekipin tim të mrekullueshëm. I falënderoj të gjithë nga zemra”, ka shkruar Krasniqi.