Ministri Gashi tregon kush e shkroi letrën për FFK-në

Ministri i Sportit dhe Kulturës i Kosovës, Kujtim Gashi, e ka pranuar se ministria nuk mund të ndërhyjë në Federatën e Futbollit dhe në asnjë federatë tjetër.

Ministria të cilën Gashi e drejton, ka lëshuar një interpretim ligjor mbi legjitimitetin e kreut aktual të Federatës së Futbollit të Kosovës, Agim Ademi.

Sipas shkresës juridike të lëshuar nga MKRS-ja, Ademi është zgjedhur kundërligjshëm si kryetar i FFK-së vitin e kaluar.

Por, kreu i ministrisë, Kujtim Gashi, ka deklaruar se dokumenti i lëshuar nga zyra ligjore e MKRS-së ishte gabim.

“Ai interpretim ishte gabim, pasi ministria nuk mund të ndërhyjë në asnjë federatë. Ishte veprim i një individi, por ministria nuk ka të drejtë të përzihet në çështjet e federatës”, u shpreh Gashi për Gazetën Olle.

Ky i fundit e pranon se ky dokument bëri bujë, teksa fajin e lë tek zyra ligjore që ka bëra një veprim të tillë.