Mkhitaryan thumbon Jose Mourinhon

Futboll 05 Prill 2018 10:17

Mesfushori Henrikh Mkhitaryan, i cili gjatë janarit u largua nga Manchester United drejt Arsenal në një marrëveshje ndërrimi me Alexis Sanchez, ka lëshuar disa fjalë thumbuese në drejtim të trajnerit të “Djajve të Kuq”, Jose Mourinho.

Armeni u shpreh se është i lumtur që kaloi tek Arsenal, nëse për asgjë tjetër, atëherë vetëm për të luajtur një futboll më ofensivë.

“Kur dëgjova për shkëmbimin e Manchester United me Arsenalin, thash “po, dua ta bëj këtë”, nuk u mendova dy herë. Është e rëndësishme për mua që të luaj futboll ofensivë”.

“Nuk kam mundur të imagjinoj start më të mirë, sepse më kishte marrë malli për futboll ofensivë”, tha Mkhitaryan.

Me këtë deklaratë, mesfushori 29 vjeçar, gjuajti indirekt sulme drejt trajnerit portugez Mourinho, ku sipas tij ai nuk luan një futboll ofensivë dhe të bukur si Arsenal, për të cilën arsye në fakt, Mourinho është akuzuar ndonjëherë edhe nga njerëz të tjerë. /Insporti.com

-->