Nadali mposht Schwartzmanin – një hap larg finales në US Open
Numri 2 në renditjen botërore, Rafael Nadal është favoriti kryesor për të triumfuan në US Open pas lamtumirave të Novak Djokovicit dhe Roger Federerit.
Serbi vuajti problemet në shpatullën e majtë, ndërsa zvicerani u eliminua nga Dimitrov pas dhimbjeve në shpinë, shembuj që tregojnë se as “tre të mëdhenjtë” nuk e kanë të garantuar suksesin.
Tenisti spanjoll kishte paralajmëruar që nuk do ta kishte aspak të lehtë ndaj argjentinasit Diego Schwartzman (27 vjeç dhe numri 21 në renditjen ATP) dhe kishte të drejtë.
Nadal triumfoi 3-0 me sete (6-4, 7-5 dhe 6-2) në 2 orë e 46 minuta lojë, por ishte i detyruar që të kërkonte ndihmën e fizioterapeutit.
“Kalova disa momente të vështira në fund të setit të dytë dhe në fillim të setit të tretë, por fizikisht jam mirë. I mbylla mirë dy ndeshjet e fundit. Ishte ditë e vështirë, sepse kishte shumë lagështi, por tani duhet të jem gati për gjysmëfinalen. P
ikërisht në këtë raund Nadali do të përballet me italianin Matteo Berrettini, 23 vjeçar, i cili befasoi me rezultatin 3-2 francezin Gael Monfils (3-6, 6-3, 6-2, 3-6 e 7-6) në thuajse 4 orë lojë.
Rafa Roar ?/?@RafaelNadal improves to 8-1 in #USOpen quarterfinals. pic.twitter.com/Bd1P5Cv9Ff
— US Open Tennis (@usopen) September 5, 2019
