Nënshkruhet marrëveshja historike, Kosova dhe Shqipëria me ligë të përbashkët

Basketboll 10 Shtator 2020 20:10

Sot është hedhur e zeza mbi të bardhën. Sot u jetësua ëndrra e shumë shqiptarëve.

Pas një pune të gjatë dhe intenstive, në Tiranë (ora 19:00), u nënshkrua marrëveshja për formimin e Ligës Unike mes Kosovës dhe Shqipërisë.

Një ligë me tetë skuadra. Katër më të mirat nga të dy vendet. Ëndrra e kamotshme bëhet realitet për formimin e një lige mes dy vendeve shqiptare.

Federata e Basketbollit e Kosovës (FBK) dhe Federata e Basketbollit e Shqipërisë (FSHB) kanë punuar një kohë të gjatë për këtë projekt madhor, që sot u bë realitet.

Marrëveshjen e nënshkruan, Presidenti i FSHB-së, Z. Avni Ponari, kryetari i FBK-së, Z. Arben Fetahu, në praninë e Znj. Besa Shahini, Ministre e Arsimit, Sportit dhe Rinisë në Shqipëri dhe Znj. Vlora Dumoshi, Ministre për Kulturë, Rini dhe Sport e Kosovës.

Në këtë ceremoni mori pjesë edhe kryeministri shqiptar Edi Rama.

-->