Neymar kthehet në Paris

Futboll 14 Qershor 2020 14:43

Ylli i Paris Saint Germain, Neymar Jr, është kthyer sot në kryeqytetin e Francës, një javë para rifillimit të stërvitjeve.

Lojtari kaloi disa kohë në Brazil, pasi sezoni në Francë tashmë është anuluar dhe skuadra e tij nuk kishte angazhime.

‘L’Equipe’ raporton se braziliani ateroi në Paris me një aeroplan privat, gjatë ditës së shtunë, transmeton lajmi.net.

Lojtari pritet të kthehet në fushat e blerta duke filluar nga 22 korriku, për të filluar përgatitjet për Ligën e Kampionëve.

Sulmuesi brazilian shkoi në Brazil gjatë kohës kur filloi pandemia Covid-19, në mes të marsit, dhe që atëherë ka mbajtur veten në formë me anë të fitnesit.

Lojtari ndërkohë vazhdon të lidhet me një kalim të mundshëm te Barcelona, por ai nuk ka thënë akoma ndonjëgjë rreth kësaj.

-->