‘Nga Messi në Mustafi për 10 sekonda’ – video e mbrojtësit shqiptar bëhet virale

Futboll 02 Prill 2019 09:42

Arsenali ka kaluar në pozitën e tretë të Premier Ligës me fitoren 2:0 ndaj Newcastle Unitedit të hënën.

Në ndeshje u paraqit edhe mbrojtësi shqiptar Shkodran Mustafi që për pak çaste ka marrë vëmendjen e të gjithëve.

Reprezentuesi i Gjermanisë, që është kritikuar shumë për performancën në Arsenal në sezonet e fundit, pati paraqitje të mirë në pjesën e dytë duke u nisur disa herë përpara për të përkrahur skuadrën në sulm.

Në një rast, ai kalon disa lojtarë të Newcastlet dhe niset nga krahu i djathtë në sulm. Pas një vrapimi të mirë, më pas Mustafi bën një prej harkimeve që s’i do askush.

Shumë tifozë kanë shkruar në rrjete sociale se “Mustafi u kthye nga superylli i Barcelonës, Lionel Messi te Mustafi në pak sekonda”, ndërsa të qeshura për harkimin ka pasur edhe sulmuesi i Arsenalit, Pierre-Emerick Aubameyang.