Jose Mourinho pezullohet për dy ndeshje – u gjobit gjithashtu edhe me shumë të majme parash

Futboll 22 Shkurt 2022 19:21

Trajneri i Romës, Jose Mourinho, është pezulluar me dy ndeshje nga Gjykatësi Sportiv ditën e sotme.

Një vendim që pritej, pas përjashtimit që iu bë në ndeshjen ndaj Hellas Verona. Portugezi nuk u kursye ndaj arbitrit të katërt dhe atij kryesor, Luca Pairetto.

Ai u pa duke bërë një gjest të thirrjes telefonike për gjyqtarin Luca Pairetto, i cili është djali i një ish-arbitri Pierluigi Pairetto, i cili ishte i përfshirë në hetimin e Calciopolit në vitin 2006.

Pairetto u zbulua se kishte kontakte të shpeshta telefonike me drejtorin e atëhershëm të Juventusit, Luciano Moggi, por këmbënguli se ai kishte komunikuar edhe me drejtorë nga klube të tjera.

Prandaj gjesti telefonik u pa si një referencë e drejtpërdrejtë për skandalin Calciopoli, por raporti i Komisionit Disiplinor vëren se Mourinho gjithashtu iu afrua gjyqtarit pas fishkëllimës së fundit për të vazhduar këto insinuata të rënda ndërsa përpiqej të frenonte drejtorin sportiv të skuadrës së tij.’

Mourinho u gjobit gjithashtu me 20,000 euro dhe Tiago Pinto u dënua deri më 8 mars, ndërsa ndihmës menaxheri i Mourinhos, Luis Da Costa Nuno Santos u pezullua me dy ndeshje.

-->