Prishtina aranzhon miqësore me skuadrën e Superiores shqiptare

Futboll 27 Dhjetor 2021 16:18

Prishtina në janar do të zhvillojë ndeshje miqësore me skuadrën nga Superiorja e Shqipërisë, Vllaznia.

Ky takim do të zhvillohet në stadiumin “Loro Boriçi”, por me datën dhe orarin që mbeten për t’u përcaktuar përfundimisht në fillimin e vitit 2022.

Burime në klub i treguan dje gazetës ‘Panoramasport’ se më 4 janar skuadra e Vllaznisë do të udhëtojë drejt Ulqinit në Malin e Zi, aty ku do të zhvillojë për rreth një javë nga dy seanca në ditë.

Pas ditëve në Ulqin, me t’u kthyer ekipi në Shkodër, është programuar një ndeshje miqësore me kampionët e Kosovës, Prishtinën.

-->