Prishtina sërish në Ligën e Kampionëve

Basketboll 22 Qershor 2019 14:45

Skuadra kampione e Kosovës në basketboll, Z Mobile Prishtina sërish do të jetë pjesëmarrëse në Basketball Champions League.

Kjo është konfirmuar nga faqja zyrtare e kësaj lige, ku thuhet se Prishtina do të nisë garat nga kualifikimet. Shorti për këtë raund do të hedhet më 4 korrik.

Në këtë raund janë 16 skuadra, ku tetë kalojnë tutje, derisa janë konfirmuar edhe skuadrat që ndodhen në rrethin e dytë.

Prishtina edhe më parë kishte marrë pjesë në kualifikime të kësaj gare, ku në edicionin e kaluar ishte eliminuar nga skuadra holandeze, Donar Groninen, derisa ishte pjesë edhe e FIBA Europe Cup, ku arriti në mesin e 16 skuadrave më të mira të kësaj gare.