Rahoveci fiton dramën ndaj Prizrenit 16

Uncategorized 13 Mars 2022 21:14

KB Rahoveci ka shënuar fitore të rëndësishme në palestrën “Mizar Isma”, duke e mposhtur Prizrenin-16 me rezultatin 95:85.

Ndeshja ishte e baraspeshuar, me të dyja ekipet që kishin epërsinë në këtë përballje.

Çereku i fundit ishte vendimtar. Rahoveci arriti ta fitoj këtë dhjetëminutësh me rezultat 28:19 për ta fituar ndeshjen e Superligës në basketboll.

Lojtari më i dalluar në fitoren e Rahovecit ishte Ivan Koleviq. Fundori e mbylli ndeshjen me 24 pikë, pesë kërcime dhe tri asistime. U ndihmua nga Fisnik Rugova me 19 pikë, shtatë kërcime dhe shtatë asistime. Darrell Davis te Prizreni ndeshjen e mbylli me 27 pikë, shtatë kërcime dhe pesë asistime.

-->