Reagimi i Van Dijk për lëndimin horror të Harvey Elliott

Futboll 12 Shtator 2021 23:47

Virgil Van Dijk është deklaruar rreth lëndimit që pësoi Harvey Elliott në fitoren 3-0 të Liverpoolit ndaj Leeds United.

Talenti i The Reds pësoi një ndërhyrje nga lojtari kundërshtar në pjesën e dytë, duke mbetur me këmbë të thyer.

Van Dijk ka thënë pas ndeshjes se ata nuk ishin në gjendjen më të mirë në momentin që panë se bashkëlojtari i tyre kishte thyer këmbën.

“Të gjitha mendimet dhe lutjet tona janë me Harvey. Shpresojmë që ai të shërohet shpejt. Dukej keq”, ka thënë ai.

“Që nga momenti që ndodhi, ju e dinit se ishte vërtet serioze. Është e vështirë të përqendrohemi dhe ne u përpoqëm ta trajtonim atë në mënyrën më të mirë të mundshme”, transmeton telegrafi.

Nuk dihet se sa do të mungojë Harvey, por që me shumë gjasë për të ka përfunduar edicioni para kohe.

-->