Salah mbetet në ‘shtëpi’, Sadio Mane merr biletën për Kampionatin Botëror të Katarit

Senegali ka eliminuar Egjiptin dhe është kualifikuar për në Kampionatin Botëror të Katarit që nis në nëntor të këtij viti.

Senegali triumfoi pas ekzekutimit të penalltive 3:1.

Në ndeshjen e parë, Egjipti kishte fituar 1:0, ndërsa sot edhe Senegali fitoi me rezultat të njëjtë.

Nga 11-metërshat më të saktë u treguar senegalezët. Madje, ylli egjiptian Mohamed Salah huqi penalltinë e parë, ndërsa Sadio Mane realizoi penalltinë e fundit për Senegalin.

Biletën për në Kupën e Botës e siguroi edhe Gana, që barazoi 1:1 me Nigerinë, por avancoi tutje për shkak të golit mysafir.