Samir Ujkani i befasuar me tifozët e Kosovës

Kombëtarja 10 Tetor 2019 21:10

Një gol i Florent Hasanit në minutën e 69-të ka mjaftuar që Përfaqësuesja e Kosovës të shënojë fitore në ndeshjen miqësore me Gjibraltarin, e cila u zhvillua në stadiumin “Fadil Vokrri” në Prishtinë.

Samir Ujkani është deklaruar pas ndeshjes së fituar 1:0 nga Kosova në ‘Fadil Vokrri’ kundër Gjibraltarit.

“Ka qenë shumë me rëndësi të mos pranojmë gol”, ka deklaruar Ujakani pas ndeshjes. Aspekti i lojës ka qenë të bëjmë aksione të mira, atë që e ka lyp edhe trajneri, e kemi ditur se ata do të mbrohen. Këto ndeshje i fiton 1:0, 5:0 ose mundesh ti humbasësh”.

Kapiteni gjatë kësaj deklarate ka falënderuar tifozët, për mbështetjen e madhe në ‘Fadil Vokrri’, pavarësisht se ishte ndeshje miqësore.

“E falënderoj publikun, në një lojë miqësore të jetë stadiumi i mbushur, kjo është diçka që po na jep vullnet”.