Shënoi dy gola, Ibrahimovic befason me këtë deklaratë

Futboll 22 Shtator 2020 08:21

Ylli i Milanit, Zlatan Ibrahimovic beson se nëse do ishte 20-vjeçar do shënonte edhe dy gola të tjerë në përballjen ndaj Bolognas.

Suedezi dje ishte ylli i ndeshjes duke shënuar të dy golat, të cilët i arkëtuan tri pikë “Rosonerëve”, në fitoren 2:0.

Mirëpo, Ibrahimovic beson se nëse do ishte më i ri do arrinte të shënonte edhe dy gola të tjerë.

“Jam në formë të mirë, jam duke punuar për ndeshjen e dytë të sezonit. Fituam dhe mund të shënoja më shumë. Nëse do isha 20-vjeçar do shënoja edhe dy të tjerë”.

“Objektivi është të bëjmë më shumë se sezonin e kaluar. Lojtarët e rinj janë duke punuar shumë, dëgjojnë, kanë disiplinë dhe pas gjashtë muajve ata e dinë se çfarë duhet të bëjnë që t’ia dalin mirë, të qëndrojnë të koncentruar çdo ditë”.

“Këtë vit duhet të kujdesemi vetëm për një ndeshje, të luajmë më besim dhe ta trajtojmë çdo ndeshje si finale”, deklaroi ai.

AC Milan-i momentalisht renditët në pozitën e katër me tri pikë, kurse edicionin e ardhshëm është mysafirë i Crotone-s

-->