“Shpërthen” Challandes: Nuk jam i kënaqur

Kombëtarja 10 Tetor 2019 20:10

Një gol i Florent Hasanit në minutën e 69-të ka mjaftuar që Përfaqësuesja e Kosovës të shënojë fitore në ndeshjen miqësore me Gjibraltarin, e cila u zhvillua në stadiumin “Fadil Vokrri” në Prishtinë.

Pas ndeshjes, ka folur trajneri i Kosovës, Bernard Challandes i cili nuk ishte shumë i kënaqur me rezultatin e takimit,

“Nuk kam pritur ndeshje më ndryshe se kjo, kundërshtari kur mbrohet, nuk jam shumë i kënaqur me rezultatin 1:0, por kjo është ajo që arritëm. E kemi ditur që do të jetë një ndeshje e veçantë, sepse ne do ta mbanim topin dhe do të sulmonim, por ajo që mungoi ishte konkretizimi”, ishin fjalët e Challandes për Supersport Kosova.

Ky ishte një test i mirë për futbollistët e përzgjedhësit Bernard Challandes, para ndeshjes shumë të rëndësishme, të cilën e zhvillojnë të hënën kundër Malit të Zi, në kuadër të kualifikimeve për Kampionatin Evropian të vitit të ardhshëm.